Author: Aynure Gdp

Azərbaycan Kapital Bazarları Assosiasiyası (AKBA) ilə Azərbaycan Respublikasının Maliyyə Monitorinqi Xidməti arasında əməkdaşlığın genişləndirilməsi məqsədilə Anlaşma Memorandumu imzalanmışdır. Memorandumun əsas məqsədi dövlət və özəl sektor arasında tərəfdaşlığın inkişaf etdirilməsi, müvafiq sahələr üzrə institusional və davamlı birgə fəaliyyətin qurulmasıdır. Sənəd çərçivəsində yeni texnologiyalardan istifadə etməklə innovativ yanaşmaların tətbiqi, eləcə də kibercinayətkarlıqla mübarizə sahəsində operativ və səmərəli məlumat mübadiləsinin təmin olunması nəzərdə tutulur. Tərəflər qarşılıqlı əməkdaşlıq vasitəsilə maliyyə sektorunda şəffaflığın artırılmasına, risklərin azaldılmasına və qabaqlayıcı mexanizmlərin gücləndirilməsinə töhfə verməyi hədəfləyirlər. Memorandum eyni zamanda bilik və təcrübə mübadiləsinin təşviq olunmasını, birgə təşəbbüs və layihələrin həyata keçirilməsini də əhatə edir.

Azərbaycan sığorta bazarı 2025-ci ili həcmlərin artımı ilə başa vursa da, statistik göstəricilər sektor üçün daha mürəkkəb və riskli bir mənzərəni ortaya qoyur. Rəqəmlər göstərir ki, bazar genişlənir, lakin sığorta ödənişlərinin artım tempi haqların artımını əhəmiyyətli dərəcədə üstələyir ki, bu da şirkətlər üçün gələcək dövrdə maliyyə dayanıqlılığı baxımından ciddi siqnaldır. 2024-cü ildə sığorta bazarı üzrə ümumi haqlar 1 milyard 353,2 milyon manat təşkil etdiyi halda, 2025-ci ildə bu göstərici 1 milyard 504,7 milyon manata yüksəlib. Beləliklə, bazar bir il ərzində 151,5 milyon manat və ya 11,2% artım nümayiş etdirib. Lakin eyni dövrdə sığorta ödənişləri daha sürətlə artaraq 752,7 milyon manatdan…

Özbəkistan Mərkəzi Bankının  Kibertəhlükəsizlik Mərkəzinin nümayəndə heyəti Azərbaycan Mərkəzi Bankına səfər edib. Səfər çərçivəsində nümayəndə heyəti Azərbaycan Mərkəzi Bankı sədrinin müşaviri Akif Bağırov və İnformasiya və kibertəhlükəsizlik departamentinin direktoru Elnur Eyvazlı ilə görüş keçirib. Görüş zamanı kibertəhlükəsizlik sahəsində hüquqi-normativ bazanın təkmilləşdirilməsi, FINCERT təcrübəsi, eləcə də kibertəhdidlərin idarə olunması üzrə ssenarilər ətrafında fikir mübadiləsi aparılıb. Tərəflər maliyyə sektorunda informasiya təhlükəsizliyinin gücləndirilməsi və qarşılıqlı əməkdaşlığın genişləndirilməsi imkanlarını müzakirə ediblər.

İnnovasiya lideri Bakcell-in hədiyyələrlə bol lotereyası uğurla yekunlaşıb. Geniş marağa səbəb olan lotereyanın ən böyük mükafatı – “Porsche Cayenne” avtomobilinin qalibi Urfan Buksayev olub. “Bakcell olaraq abunəçilərimizin gündəlik həyatını daha da zənginləşdirən, onlara əlavə dəyər yaradan təşəbbüslərə xüsusi önəm veririk. Bu lotereya çərçivəsində yüzlərlə qalibə sevinc dolu anlar yaşatdıq. Böyük məmnuniyyət hissi ilə meqa lotereyamızın əsas hədiyyəsi – ‘Porsche Cayenne’ avtomobilinin qalibini elan edirik və bütün qalibləri səmimi-qəlbdən təbrik edirik!”, -deyə Bakcell-in İctimaiyyətlə əlaqələr və korporativ kommunikasiyalar üzrə direktoru Aysel Süleymanova bildirib. Qeyd edək ki, lotereya çərçivəsində sonuncu “Zeekr 001” avtomobilinin də qalibi müəyyənləşib. Samir Əskərov bu unudulmaz anın sevincini…

Dövlət Statistika Komitəsi “2025-ci ildə mehmanxana (hotel) və mehmanxana tipli obyektlərin fəaliyyəti haqqında” məlumatları açıqlayıb. Qeyd edilib ki, 2025-ci ildə mehmanxana (hotel) və mehmanxana tipli obyektlərdə keçirilmiş gecələmələrin sayı 2024-cü illə müqayisədə 6,7 faiz artaraq 4 milyon 569,5 min olmuşdur. Gecələmələrin ümumi sayının 58,9 faizi Bakıda, 5,6 faizi Qusarda, 5,1 faizi Naftalanda, 5,0 faizi Xaçmazda, 3,7 faizi Qəbələdə, 3,2 faizi Qubada, 3,0 faizi Lənkəranda, 2,2 faizi Şabranda, 1,5 faizi Şamaxıda, 1,2 faizi Gəncədə, 1,1 faizi Şuşada, 1,1 faizi Masallıda, 1,1 faizi Qaxda, 0,9 faizi Naxçıvan Muxtar Respublikasında və 6,4 faizi digər şəhər və rayonlardakı mehmanxanalarda (hotellərdə) və mehmanxana tipli obyektlərdə qeydə…

2025-ci ildə 125 mikro və kiçik sahibkarlıq subyekti “Startap” şəhadətnaməsi almaq üçün Kiçik və Orta Biznesin İnkişafı Agentliyinə (KOBİA) müraciət edib. GDP xəbər verir ki, agentliyin yaydığı məlumatda bildirilir ki, Nazirlər Kabinetinin 29 yanvar 2021-ci il tarixli Qərarı ilə təsdiq edilmiş “Startapın müəyyən olunması meyarları”na əsasən Ekspertlər Şurası tərəfindən 59 KOB subyektinə “Startap” şəhadətnaməsinin verilməsi barədə qərar qəbul olunub. Şəhadətnamə almış sahibkarların 48-i hüquqi, 11-i fiziki şəxs olmaqla, 53-ü mikro və 6-sı kiçik sahibkardır. 44 startap Bakı şəhərindən, 15-i isə regionlardandır. Şəhadətnamə almış sahibkarların 10-u qadın sahibkardır. Layihələrin 4-ü “yaşıl layihə”dir. “Startap” şəhadətnaməsi almış biznes subyektləri istehsal və xidmət sektorlarında…

2025-ci ildə dövlət əmlakının özəlləşdirilməsi və dövlət obyektlərinin icarəyə verilməsi hesabına Azərbaycan Respublikasının dövlət büdcəsinə 181,5 milyon manat vəsait daxil olub. GDP xəbər verir ki, bu barədə Dövlət Əmlak Məsələləri Xidməti məlumat yayıb. Məbləğin böyük hissəsi özəlləşdirmədən əldə olunan gəlirlərin payına düşüb — 135,3 milyon manat. Dövlət obyektlərinin icarəyə verilməsindən isə 46,2 milyon manat gəlir təmin olunub. 2025-ci il ərzində 236 kiçik dövlət müəssisəsi və obyekti, 8 açıq səhmdar cəmiyyətinin səhmləri, 208 torpaq sahəsi və 1.160 nəqliyyat vasitəsi özəlləşdirilib. Həmçinin 4.957 icarə müqaviləsi bağlanıb.

2025-ci ildə Azərbaycan Respublikası Dövlət Neft Fondunun (ARDNF) investisiya gəlirliliyi 6,2% təşkil etmiş, bu isə 6,9 milyard manat və ya 4 milyard ABŞ dolları həcmində investisiya gəliri ilə nəticələnmişdir. Bu barədə GDP Fonda istinadən xəbər verir. 2025-ci ilin yanvar–dekabr ayları ərzində ARDNF-nin ümumi gəlirləri 37 milyard 594,4 milyon manat təşkil etmişdir. Sözügedən dövrdə Fondun büdcə gəlirləri 17 milyard 160,4 milyon manat, valyuta məzənnələrinin və qızıl qiymətinin dəyişməsindən yaranan fərq ilə bağlı büdcədənkənar gəlirləri isə 20 milyard 434,0 milyon manat olmuşdur. Büdcə xərcləri isə hesabat dövrü üzrə 14 milyard 627,2 milyon manat təşkil etmişdir. Azərbaycan Respublikası Dövlət Neft Fondu (ARDNF) bildirir…

AZCON Holding 2025-ci il üzrə nəqliyyat sektorunda sərnişin və yükdaşımaya dair göstəriciləri açıqlayıb. Məlumata görə, holdingin tərkibində fəaliyyət göstərən BakuBus marşrut xətləri ilə daşınan gündəlik orta sərnişin sayı əvvəlki dövrlə müqayisədə 39% artaraq 557 min nəfərə çatıb. Açıqlanan göstəricilər paytaxtda ictimai avtobus nəqliyyatına tələbatın artdığını və sərnişindaşıma sahəsində müsbət dinamikanın davam etdiyini göstərir.

Bakıda beton sahəsinə həsr olunmuş beynəlxalq “ICCX Academy Baku” konfransı və sərgisi keçiriləcək. 29 yanvarda JW Marriott Absheron Baku Hotel-də təşkil olunacaq tədbirə Norm şirkəti ev sahibliyi edəcək. Bu platforma vasitəsilə Norm ölkənin inşaat sənayesinin peşəkarlarını bir araya gətirərək, yerli və beynəlxalq təcrübələrin qarşılıqlı paylaşılması üçün mühit yaradacaq. Müasir beton texnologiyaları və inşaat sahəsindəki qabaqcıl trendləri ön plana çıxaran tədbirin gündəliyinə bir çox əhəmiyyətli mövzular daxil edilib. Konfransda Azərbaycanın inşaat sənayesinin gələcəyində innovasiyaların və dayanıqlı inkişafın rolu, əsas inşaat materialı kimi betonun əhəmiyyəti, eləcə də müasir beton istehsalında tətbiq olunan yanaşmalar və praktik həllərdən danışılacaq. Eyni zamanda, Avropa və Şərq…