Qazaxıstan və Azərbaycan Xəzər dənizinin dayazlaşması səbəbindən Aktau – Bakı – Tbilisi – Ceyhan (ABTC) neft marşrutunun keçiricilik qabiliyyətini artırmaq məqsədilə birgə dib təmizləmə və dərinləşdirmə işlərinə başlayır.
Bakıda Azərbaycanın AZCON holdinqi və “Samruk-Qazına İnvest” arasında birgə müəssisə yaradılması haqqında saziş imzalanıb. Birgə müəssisə xüsusi gəmi alaraq həm Qazaxıstan, həm də Azərbaycanın limanlarında dib çöküntülərinin təmizlənməsini həyata keçirəcək.
İşlərə gələn il Azərbaycan tərəfində başlanılacaq, sonra Qazaxıstan sektorunda davam etdiriləcək.
Xəzər dənizinin səviyyəsi 2006-2024-cü illərdə 2 metr enərək hazırda Dünya okeanının səviyyəsindən 29 metr aşağıdadır. Dayazlaşma tankerlərin və ticarət gəmilərinin hərəkətini ciddi şəkildə çətinləşdirir, xüsusilə Aktau limanından Bakıya neft daşınmasına mane olur.
Ötən il Qurıq limanında dibdərinləşdirmə aparılıb. Növbəti mərhələdə Aktau limanında, həmçinin Tengizdə Qazayırma Kompleksinin tikintisi layihəsi üçün logistika bazası seçiləcək limanda bu işlər görüləcək.