Dövrümüzün ən gəlirli sahələrindən biri Forex Maliyyə Bazarında ticarətdir. Ortalama illik gəlir 10-50% olan Forex ticarəti (prop firmaların təqdim etdiyi statistika) hərkəsə maraqlı gəlir.
Bu sahəni öyrənməyə çalışan cox sayda insan var. Bazar araşdırması etsəniz hazırda Azərbaycanda real gəlir əldə edəcəksiniz adı ilə təlimlər keçən bir neçə kurs görə bilərsiniz. Bəzisi reklamlarında 15 il -20 il təcrübəyə sahib treyderlərin təlim keçdiyini vurğulayır.
Bu tip reklamlara qəti aldanmayın.
Əgər həmin “müəllimlərdən” 1 illik belə ticarət tarixcəsi istəsəniz təqdim edə bilməyəcəklər. Azərbaycanda bu sahədə böyük boşluqlar var. Ümid edirəm bu durum zamanla düzələcəkdir. Bunun üçün ölkəmizdə kapital və investisiya şirkətləri hərəkətə keçməlidir. Unicapital Investment Company, ABB Invest, PASHA Capital, InvestAZ İnvestisiya Şirkəti
Kurslarda öyrədilən strategiyalar yaxud ala biləcəyiniz ticarət strategiyaları:
Birbaşa ticarət strategiyaları vardır amma heç bir treyder bunu başqalarına öyrətmir. Cünki bu çətindir və treyderin 6 ay bəzən 1 il zamanını alır. Hazırda 3-5 il özünü doğruldan ticarət strategiyaları satan treyderlər var ki, onlar da strategiyalarını 100.000 dollar və üzərində məbləğə öyrədirlər.
Pulsuz öyrədilən strategiyalar:
Əgər 100.000 + məbləğ ödəmək imkanı yoxdursa başqa şəxlərdən öyrənə biləcəyiniz strategiyalar sırf texniki analizə əsaslanan strategiyalardır ki, təcrübə bu strategiyaların 6 aydan yuxarı zaman aralığında effektiv olmadığını göstərir və nəticədə uğursuzluq əldə olunur. Treyderlər bu strategiyaları müəyyən zaman arılığı üçün prop firmalarda istifadə edir. Bu səbəbdən prop firmalar sinaq müddətini ortalama 3-4 aylıq zaman arlığındakı gəlir səviyyəsinə uyğun müəyyən edirlər.
Nə etməli?
1. Vəddlərə aldanmamalı, profesional təlimçi tapmalı və bazarın bazasını mükəmməl mənimsəməli. Öz beyninizdə formalaşan, 2-3 il üçün uğurlu nəticə verən strategiya yaratmalı. Təcrübə 2-3 ildə uğurlu olan strategiyanın növbəti 10 il üçün də uğurlu olacağını göstərir.
2. Real nəticələri olan treyderlərdən ticarət strategiyası almalı. Bu da qeyd etdiyim kimi cox yüksək məbləğ qarşılığında mümkündür.
Uğurlu nəticə əldə etdikdən sonra kapital əldə etmək cox asandır. Hazırda 10-larla PropFirm vardır ki müxtəlif şərtlərlə 200.000 dollara qədər vəsait təqdim edir. Amma qeyd edim ki, firmaların şərtləri qəlizdir və əvvəlcədən araşdırma tələb edir.
Müəllif: Fuad Bayramov. Forex treyder