2025-ci ilin yanvar-oktyabr ayları ilə 2024-cü ilin yanvar-oktyabr ayları arasında qeyri-neft-qaz məhsullarının ixracı ilə bağlı göstəricilərin müqayisəsi göstərir ki, ixracın həcmi qiymət artımı səbəbindən artsa da, məhsulların fiziki həcmi (real ifadə) azalmağa davam edib.
Belə ki, Dövlət Statistika Komitəsinin yayımladığı məlumata görə, 2025-ci ilin yanvar-oktyabr aylarında qeyri-neft-qaz məhsullarının ixracı 2987,8 milyon dollar təşkil edib ki, bu da 2024-cü ilin eyni dövrü ilə müqayisədə 180,3 milyon dollar və ya 6,6% artım deməkdir. Lakin, bu artım qiymət artımından irəli gəlir və ixrac edilən məhsulların fiziki miqdarında azalma müşahidə olunub.
2025-ci ildə qeyri-neft-qaz məhsullarının ixracı faktiki qiymətlərlə 6,6% artıb. Bu, qiymətlərin yüksəlməsi ilə əlaqədardır və daha çox gəlir əldə edilməsinə səbəb olub. 2024-cü ildə isə faktiki qiymətlərlə artım 3,5% olmuşdu. 2025-ci ildə real ifadədə qeyri-neft-qaz məhsullarının ixracı 17,7% azalıb, bu da 2024-cü ilin real azalması ilə müqayisədə daha böyükdür (2024-cü ildə real ifadədə azalma 9,1% idi). Bu, məhsulların fiziki miqdarının əvvəlki ilə nisbətən daha sürətli şəkildə azaldığını göstərir. Yəni, bu gsötəricilərdən aydın olur ki, ixrac olunan məhsulların sayında kəskin azalma baş verib. 2025-ci ildə ixrac həcmi qiymət artımına bağlı olaraq artıb (6,6%), lakin fiziki həcmin azalması daha sürətlə davam edib (17,7%). Bu o deməkdir ki, qiymət artışı ixracın ümumi həcmini yüksəldib, amma real miqdarda azalma daha da dərinləşib. 2024-cü ilin eyni dövründə isə bu azalma 9,1% idi. Deməli, ixracın fiziki həcmi əvvəlki ildən daha sürətlə azalıb.
Müəllif: Aynur Qəniyeva