“İnhisarçı mühit, bildiyimiz kimi, hər zaman investisiyaların stimullaşdırılmasını zəiflədir. “
GDP xəbər verir ki,bunu Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli “Milli Rəqabət Forumunda çıxışı zamanı deyib.
O bildirib: “Biz nə üçün inhisarlaşmanın əleyhinəyik, ədalətsiz gəlir transferinə imkanlar yaradır və nəticəsi olaraq iqtisadiyyatda sosial bərabərsizlik dairəsi genişlənmiş olur. Məhz bu məqsədlər üçün rəqabət mühitinin formalaşması və azad sahibkarlığın inkişafı əsas hədəflərdən biridir. İnhisarçı mühitdən fərqli olaraq, azad bazar sahibkarlığı bizim şirkətlərimizin bizim biznes subyektlərinin dayanıqlığını gücləndirməklə xarici böhranlar qabağında bizim dövlətimizin iqtisadiyyatının immunitetini artırmış olur. “
Məmməd Abbasbəyli qeyd edib ki, o nöqteyi nəzərdən də yenə də vurğulamaq istərdim ki, biz rəqabətin təşviqində bu məqsədləri ali tuturuq.”Rəqabət qanunvericiliyi istiqamətində bir neçə fikrimi sizinlə bölüşmək istəyərdim.Bayaq qeyd etdiyimiz kimi, ölkə dövlətimizin əsas instrumenti dövlətin təşviq mexanizmi ədalətli, açıq, şəffaf anlaşıl tətbiq olunan qanunvericiliyin ərsəyə gətirilməsi idi”