2025-ci ilin yanvar-noyabr ayları ərzində Azərbaycanın aqrar məhsullarının ixracının dəyəri 190,4 milyon ABŞ dolları və ya 27,1% artaraq, 892,1 milyon dollara çatmışdır.
GDP bu barədə İqtisadi İslahatların Təhlili və Kommunikasiya Mərkəzinə istinadən xəbər verir ki,digər tərəfdən, aqrar-sənaye məhsullarının ixracı isə təxminən sabit səviyyədə qalaraq, cəmi 0,9 milyon dollar və ya 0,3% artıb və 288,2 milyon dollar təşkil edib.
Bu iki əsas qrupun cəmi olan ümumi aqrar və aqrar-sənaye məhsulları ixracı da məhz aqrar məhsulların güclü performansı sayəsində yüksəliş trendini davam etdirib. Ümumi ixracın dəyəri 211,1 milyon dollar və ya 21,3% artaraq 1,2 milyard ABŞ dollarına yüksəlib.
Nəticə etibarilə, 2025-ci ilin on bir aylıq dövründə qeydə alınan ümumi 21,3%-lik ixrac artımının qeyri-bərabər paylanması diqqəti cəlb edir. Ümumi artımın əsas və demək olar ki, yeganə mənbəyi aqrar məhsulların ixracındakı güclü dinamika olmuşdur.