2025-ci ildə ölkənin xarici ticarət dövriyyəsi 30,995 milyard ABŞ dolları səviyyəsindən 32,118 milyard ABŞ dollarına qalxaraq, 1,122 milyard dollar artım və ya 3.62% faiz artım qeydə alınmışdır.
GDP Dövlət Gömrük Komitəsinə istinadla xəbər verir ki, ixracın azalması və idxalın sürətlə artması nəticəsində xarici ticarət balansı (saldosu) əvvəlki ilin müsbət göstəricisi ilə müqayisədə kəskin şəkildə pisləşmişdir. Belə ki, 5,467 milyard dollar olan müsbət ticarət balansı 2025-ci ildə 2,012 milyard dollar səviyyəsinə enmiş, bu da 3,454 milyard dollar və ya 63.19% və ya 2.72 dəfə azalma deməkdir.
Ancaq bu ümumi artımın arxasında ticarət strukturu əhəmiyyətli dərəcədə dəyişmişdir. İxrac dinamikası mənfi olmuş, 18,231 milyard dollar səviyyəsindən 17,065 milyard dollar səviyyəsinə enişlə 1,166 milyard dollar azalaraq, ciddi (6.40%) aşağı düşmə müşahidə edilmişdir. Bununla əlaqədar olaraq, idxal həcmi isə kəskin şəkildə artmışdır. 2024-cü ildə 12,763 milyard dollar olan idxal 2025-ci ildə 15,052 milyard dollara çataraq, 2,288 milyard dollar və ya 17.93% artıb.
Müəllif: Aynur Qəniyeva