Dünyanın ən zəngin sahibkarlarından biri, “X” platformasının (keçmiş Twitter) rəhbəri İlon Mask aprelin 17-də yeni messencer “XChat”ı təqdim edəcəyini açıqlayıb. Artıq bəzi dairələrdə bu tətbiq “Telegramın qatili” olaraq adlandırılır.
Yeni messencer istifadəçilərə qrup çatları, audio və video zənglər, səsli mesajlar, fayl mübadiləsi, həmçinin yazışmaların uçdan-uca şifrələnməsi (end-to-end encryption) imkanı təqdim edəcək. Bundan başqa, istifadəçilər göndərdikləri mesajları redaktə edə və silə biləcəklər.
“XChat” ilk olaraq iPhone istifadəçiləri üçün əlçatan olacaq. Android versiyasının isə bir müddət sonra buraxılması gözlənilir. Maskın bu addımı hazırda milyonlarla istifadəçisi olan Telegram və digər messencerlərlə birbaşa rəqabətə girəcəyini göstərir.