İqtisadi İslahatların Təhlili və Kommunikasiya Mərkəz (İİTKM) 2024-cü ildə 271,473 manat xalis zərər edib ki, bu da 2023-cü ilin 161,982 manat zərəri ilə müqayisədə 109,491 manat və ya 67.59% artım təşkil edir.
GDP xəbər verir ki, İqtisadi İslahatların Təhlili və Kommunikasiya Mərkəzinin əsas əməliyyat gəlirləri 2024-cü ildə 450,109 manat təşkil etmişdir ki, bu da 2023-cü ilin 233,308 manat gəliri ilə müqayisədə 216,801 manat və ya 92.93% əhəmiyyətli artım deməkdir. Digər əməliyyat gəlirləri isə 2,598,096 manatdan 2,586,279 manata qədər az dəyişərək, cəmi 0.46% artıb. Bununla belə, gəlirlərdəki bu müsbət dəyişikliklər xərclərin sürətli artımı ilə örtülmüşdür.
Hesabat dövründə İqtisadi İslahatların Təhlili və Kommunikasiya Mərkəzinin inzibati xərcləri 2024-cü ildə 3,007,572 manat olmuşdur ki, bu da 2023-cü ilin 2,649,856 manat xərci ilə müqayisədə 357,716 manat və ya 13.50% artım deməkdir. Bu, gəlirlərdəki artımdan daha yüksək olduğu üçün təşkilatın xərclərini səmərəli idarə edə bilmədiyini nüçyiş etdirir.
İqtisadi İslahatların Təhlili və Kommunikasiya Mərkəzinin ümumi aktivləri 2024-cü ildə 5,386,015 manat təşkil etmişdir ki, bu da 2023-cü ilin 5,643,475 manat aktivləri ilə müqayisədə 257,460 manat və ya 4.56% azalma deməkdir. Kapitalda da 271,474 manat və ya 4.81% azalma qeydə alınmışdır ki, bu da əsasən bölüşdürülməmiş mənfəətin azalması ilə əlaqədardır.
Mərkəzin pul vəsaitlərinin hərəkəti ilə bağlı göstəricilərində də azalma müşahidə edilib. İqtisadi İslahatların Təhlili və Kommunikasiya Mərkəzinin əməliyyat fəaliyyətindən pul axını 2024-cü ildə 60,835 manat təşkil etmişdir ki, bu da 2023-cü ilin 172,963 manat ilə müqayisədə 112,128 manat və ya 64.82% azalma deməkdir. İnvestisiya fəaliyyətindən pul axını isə mənfi olaraq qalmışdır. Nəticədə, pul vəsaitləri və onların ekvivalentlərində 39,829 manat azalma olub.
Ümumi nəticə olaraq,İİTKM 2024-cü ildə 2023-cü illə müqayisədə daha ağır maliyyə nəticələri ilə üzləşmişdir. Gəlirlərdə artım olmasına baxmayaraq, xərclərin daha sürətli artması, aktiv və kapitaldakı azalmaya səbəb olub.