Azərbaycanlı iş adamı Araz Mehdiyev Moskvanın iki əsas hava limanında – Domodedovo və Şeremetyevoda fəaliyyət göstərən duty free mağazalarının sahibi olub. Bu barədə RBK nəşri Kipr ticarət reyestrindən əldə etdiyi məlumatlara istinadən xəbər verib.
Məlumata görə, Almaniya şirkəti Gebr Heinemann bu mağazaların sahibi olan iki Kipr şirkətinin kapitalından çıxıb və onun payını 2024-cü ilin aprel ayında “Kiyevskaya ploşad” qrupunun keçmiş həmsahibi olan Araz Mehdiyev əldə edib.
Qeyd edək ki, Gebr Heinemann dünyanın ən böyük rüsumsuz ticarət operatorlarından biridir və Rusiya bazarında 2007-ci ildən fəaliyyət göstərirdi.
Bu sövdələşmənin maliyyə detalları açıqlanmayıb. Bu addım, son illər ərzində Qərbin bir çox şirkətlərinin Rusiya bazarından çıxmasının davamı hesab oluna bilər.