Silk Way Group-un tərkib hissəsi olan Silk Way AFEZCO, Luxaviation Group-un üzvü ExecuJet ilə tərəfdaşlıq haqqında razılaşma əldə edib.
GDP xəbər verir ki, tərəflər Ələt Beynəlxalq Hava Limanında yeni nəsil Sabit Baza (FBO) inşa edəcək. Tikintiyə 2025-ci ilin sonunda başlanılacaq, baza 2027-ci ilin əvvəlində istifadəyə veriləcək.
ExecuJet Silk Way AFEZCO-nun yeni Gulfstream G500 təyyarəsinin idarəetməsini həyata keçirəcək. Bu, Luxaviation Group-un Azərbaycanda idarə etdiyi ilk təyyarə olacaq.
Həmçinin Ələt Azad İqtisadi Zonasında birgə müəssisə yaradılması planlaşdırılır.
Luxaviation Group-un baş direktoru Patrik Hansen bildirib ki, tərəfdaşlıq Xəzər regionunda xidmət keyfiyyəti üçün yeni standartlar təyin edəcək.
Silk Way AFEZCO-nun baş direktoru Cavad Dbila qeyd edib ki, layihə Azərbaycanın qlobal biznes aviasiyasındakı rolunu gücləndirəcək.