Daşkənd şəhərində Azərbaycan şirkətləri “Agro Dairy” və süd məhsulları üzrə törəmə müəssisəsi “Milla Dairy” MMC-nin rəhbər heyəti ilə Özbəkistanın İnvestisiya, Sənaye və Ticarət naziri cənab Laziz Kudratov arasında işgüzar görüş keçirilib.
GDP xəbər verir ki, görüşdə, aqrosənaye sahəsində əməkdaşlığın genişləndirilməsi, birgə investisiya layihələrinin icrası və kənd təsərrüfatı ilə süd məhsullarının tədarük həcminin artırılması perspektivləri müzakirə edilib.
Tərəflər, həmçinin brend məhsulların tədarükü və Özbəkistan ərazisində süd və süd məhsullarının istehsalına yönəlmiş yeni müəssisələrin yaradılması məsələlərində ilkin razılaşmalara gəliblər. Bu razılaşmalar, iki ölkə arasında iqtisadi əməkdaşlığın dərinləşdirilməsi və gələcəkdə birgə layihələrin uğurla reallaşdırılmasına töhfə verəcək.
Görüşün yekununda tərəflər əməkdaşlığın daha da möhkəmləndirilməsi istiqamətində ortaq maraqları bir daha təsdiqləyərək, gələcəkdə aqrosənaye sahəsində birgə investisiya və istehsal layihələrinin həyata keçirilməsi məqsədilə növbəti addımların atılacağına dair əminliklərini bildiriblər.
