Author: Aynure Gdp

Azərbaycan və Macarıstan yaşıl enerji layihələri çərçivəsində strateji tərəfdaşlığı müzakirə ediblər. GDP xəbər verir ki, bu müzakirə energetika naziri Pərviz Şahbazovla Macarıstanın xarici işlər naziri Peter Szijarto arasında Buxarestdə keçirilən görüş çərçivəsində baş tutub. Nazirlər Azərbaycan, Gürcüstan, Rumıniya və Macarıstan nazirlərinin 8-ci görüşünün yekunlarını və digər aktual məsələləri müzakirə ediblər. Bundan əlavə, Azəri-Çıraq-Günəşli və Şahdəniz layihələrində Macarıstanın MOL Group və MVM şirkətləri ilə əməkdaşlığın hazırkı vəziyyəti müzakirə olunub. Tərəflər Bakıda keçiriləcək COP29 konfransının enerji gündəliyinə də toxunublar

Ötən rübdə olduğu kimi ipoteka kreditləri üzrə standartlarda sərtləşmə olub. GDP xəbər verir ki, bu barədə Azərbaycan Mərkəzi Bankının (AMB) kreditləşmə fəaliyyətinə dair sorğunun nəticələrində bildirilib. Qeyd olunub ki, ipoteka kreditləri üzrə standartlarda sərtləşmə daxili ipoteka kreditlərində müşahidə edilib. Banklar ipoteka faiz dərəcələrinin artımı fonunda ipoteka kreditlərinə tələbin azaldığını bildiriblər. Tələbdə azalma daxili ipoteka ilə verilən kreditlər üzrə olub. Sorğunun nəticələrində bildirilir ki, bankların gözləntilərinə görə növbəti rübdə ipoteka kreditləri üzrə kredit standartlarında sərtləşmə və kredit tələbində azalma trendi davam edəcək. Sorğu nəticələrinə görə kredit standartlarındakı sərtləşmə və kredit tələbindəki azalma daxili ipoteka ilə verilən kreditlər hesabına olacaq.

2024-cü ilin II rübündə sorğu nəticələrinə əsasən mikro, kiçik və orta sahibkarlıq (MKOS) subyektlərinə verilən kreditlər üzrə standartlarda yumşalma, iri sahibkarlıq subyektlərinə verilən kreditlər üzrə standartlarında dəyişiklik müşahidə edilməyib. Banklar tərəfindən növbəti rübdə MKOS subyektlərinə kreditlər üzrə standartlarda yumşalmanın davam etməsi, iri sahibkarlıq subyektlərinə kreditlər üzrə standartlarda isə dəyişiklik olmaması gözlənilir. GDP xəbər verir ki, bu barədə Azərbaycan Mərkəzi Bankının (AMB) kreditləşmə fəaliyyətinə dair sorğunun nəticələrində bildirilib. Sorğunun nəticələrində qeyd edilib ki, 2024-cü ilin II rübündə MKOS subyektlərinə verilən kreditlərə tələbdə artım davam etmişdir. Bankların gözləntilərinə əsasən 2024-cü ilin III rübündə biznes kreditləri, xüsusilə MKOS kreditləri üzrə tələbdə artım müşahidə…

Bu il Azərbaycan Dövlət Neft Fondunun AÇG-dən əldə olunan gəlirlər 4,2 milyard dollardan çox olub. GDP xəbər verir ki, bu ilin yanvar-avqust aylarında Azərbaycan Respublikası Dövlət Neft Fonduna (ARDNF) Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar blokunun işlənməsindən 4 milyard 271,6 milyon ABŞ dolları məbləğində gəlir əldə edilib. Bu, 2023-cü ilin eyni dövrü ilə müqayisədə 456,4 milyon dollar və ya 9,7% azdır.

Binance-ın top-meneceri Tiqran Qəmbəryan Nigeriyadakı məhkəmə iclasına qoltuq ağacı ilə getməli olub. GDP xəbər verir ki, o, çirkli pulların yuyulması və vergidən yayınma ittihamı ilə saxlanılıb. Qəmbəryanın ailəsi bildirir ki, o, malyariyaya yoluxub və ona təcili əməliyyat tövsiyə olunub.

Berkshire Hathaway rəsmi olaraq 1 trilyon dollarlıq bazar kapitallaşmasına çatıb. GDP xəbər verir ki, Warren Buffett-in Berkshire şirkətinin,səhmləri 0,8% yüksələrək 696,502,02 dollara qədər bahalaşdıqdan sonra ABŞ-da bu mərhələyə çatan ilk qeyri-texnoloji şirkət olub. Bu, onun bazar kapitalında 1 trilyon dollar həddinə çatmasına imkan verib. CFRA Research-dən bildirilir ki, bu, “firmanın maliyyə gücünə və françayzinq dəyərinə sübutdur”.

“Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxs Cəbrayıl və Zəngilan rayonlarında işğaldan sonra yararsız hala düşmüş ərazilərdə olan ümumi tikililərin sökülməsi və ərazilərin rekultivasiyası, Zəngilan,Cəbrayıl və Qubadlı rayonlarında tikiləcək qəbiristanlıqların layihələndirilməsi üçün “Azin Construction” Məhdud Məsuliyyətli Cəmiyyəti ilə müqavilə bağlayıb. GDP etender.gov.az-a istinadən xəbər verir ki, birmənbədən alınan xidmətlə bağlı müqavilənin dəyəri 479.882,4 manat təşkil edib. Bağlanan müqavilədən məlum olur ki, Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti Cəbrayıl və Zəngilan rayonlarında işğaldan sonra yararsız hala düşmüş ərazilərdə olan ümumi tikililərin sökülməsi və ərazilərin rekultivasiyası, Zəngilan,Cəbrayıl və Qubadlı rayonlarında tikiləcək qəbiristanlıqların layihələndirilməsinə 500 min manata yaxın vəsait…

1800-ə yaxın namizəd arasından seçilmiş 33 təcrübəçinin Mərkəzi Bankda 2 ay boyunca davam edən maraqlı və həyəcanlı səyahəti başa çatıb.GDP xəbər verir ki, tədbir zamanı təcrübəçilərimiz daha öncədən komandalara bölünərək hazırlamış olduqları layihələri münsiflərin diqqətinə çatdırıb. Mərkəzi Bankın rəhbər heyətinin təmsil olunduğu münsiflər heyəti ən uğurlu layihəni qiymətləndirərək komandanı mükafatlandırılıblar.Məzun günü təcrübəçilər üçün daha bir məqamla yadda qalıb. Belə ki, Mərkəzi Bankın sədri Taleh Kazımov tədbirə qatılaraq iştirakçılara ən səmimi arzularını çatdırıb. Sədr təcrübəçiləri maraqlandıran sualları da cavabsız qoymadı. O, öz təcrübəsindən ən maraqlı xatirələri bölüşərək gəncləri çağırışlardan çəkinməməyə, daha cəsarətli olmağa və peşəkar inkişafa önəm verərək inamla irəliləməyə səslənib.

Aqrar Subsidiya Şurasının qərarına əsasən, gələn ildən müasir suvarma sistemləri tətbiq edilən əkin sahələrinə görə 60 manat məbləğində əlavə əkin subsidiyası veriləcək. GDP xəbər verir ki, Kənd Təsərrüfatı Nazirliyi bu barədə məlumat yayımlayıb. Bildirilir ki, təkrar əkinlərə görə əkin subsidiyası 2025-ci ildən etibarən yalnız suvarılan ərazilərdə aparılan əkinlərə şamil olunacaq. Azərbaycan Prezidentinin Sərəncamı ilə 2024-cü ilin “Yaşıl dünya naminə həmrəylik ili” elan edilməsi və 2024-cü ilin noyabrında Bakıda keçiriləcək BMT-nin İqlim Dəyişiklikləri üzrə 29-cu Tərəflər Konfransının (COP29) çağırışları nəzərə alınaraq, iqlim dəyişikliklərindən təsirlənən kənd təsərrüfatı sektorunda 2025-ci ildən etibarən sudan səmərəli istifadəni və ətraf mühitin qorunmasını dəstəkləmək məqsədilə müasir suvarma sistemləri tətbiq…