Author: Aynure Gdp

Avropanın ən böyük avtomobil konserni olan Volkswagen-in baş direktoru son açıqlamasında diqqətçəkən bir çağırış edib. O, Qərb ölkələrinin sənayenin planlaşdırılması sahəsində Çin siyasətini təcrübə olaraq götürməli olduğunu vurğulayıb. GDP xəbər verir ki, bu açıqlama, Avropa avtomobil istehsalçılarının Çin brendləri qarşısında getdikcə çətinləşən rəqabət vəziyyətini bir daha göz önünə serir. Bənzər bir tendensiya ABŞ-da da müşahidə edilir. Amerikalı istehlakçıların Çin istehsalı elektrik avtomobillərinə marağı getdikcə artır. Mövcud tarif maneələrinə baxmayaraq, alıcıların bu avtomobilləri Meksika üzərindən idxal etməyə belə hazır olduqları bildirilir. Bu vəziyyət, Çin elektromobillərinin həm texnoloji səviyyəsinə, həm də qiymət siyasətinə olan etimadın nə qədər yüksək olduğunu göstərir. Xəbərdə həmçinin…

Çinin “Bright Gold” tankeri Tehranla razılaşdırılmış təhlükəsiz koridorla, İran sahilləri boyu hərəkət edərək Hörmüz boğazını uğurla keçib. GDP xəbər verir ki,  “Bloomberg”in məlumatına görə, gəmi Keşm və Larak adaları arasında manevr edərək Çin Xalq Respublikasına aid olduğu barədə siqnal ötürüb. Eyni marşrutdan Hindistanın iki qazdaşıyan gəmisi — 92,6 min tondan çox mayeləşdirilmiş qaz daşıyan “Jag Vasant” və “Pine Gas” da istifadə edib. Gəmilərin keçidi Dehlinin təhlükəsizlik zəmanəti ilə bağlı İranla birbaşa razılığa gəlməsindən sonra mümkün olub.

İran İsrailin Cənubi Pars qaz yatağına hücumundan sonra Türkiyəyə təbii qaz ixracını müvəqqəti olaraq dayandırıb. GDP xəbər verir ki, bu barədə məlumat Bloomberg agentliyi tərəfindən yayılıb. İrandan idxal edilən qaz Türkiyənin ümumi qaz təchizatının təxminən 14 faizini təşkil edirdi. Tədarükün dayandırılmasının nə qədər davam edəcəyi hələlik məlum deyil. Türkiyə Enerji Nazirliyinin məlumatına görə, ölkə mövcud anbar ehtiyatları, habelə Rusiyanın Qazprom şirkəti və Azərbaycan vasitəsilə qaz təchizatını davam etdirir. Mütəxəssislər hazırda Türkiyənin enerji təhlükəsizliyində ciddi risk gözlənilmədiyini bildirirlər. Qeyd edək ki, Cənubi Pars qaz yatağı dünyanın ən böyük qaz yataqlarından biri hesab olunur. Son günlər regionda gərginliyin artması enerji təhlükəsizliyi məsələlərini…

Ötən gün qeydə alınan kəskin enişdən sonra neft qiymətləri yenidən yüksəlişə başlayıb. GDP xəbər verir ki, Bakı vaxtı ilə səhər saat 09:13-ə olan məlumata görə, London birjasında Brent markalı neftin may fyuçersləri 3,84 dollar (3,84%) artaraq barelə görə 103,78 dollar səviyyəsinə çatıb. Bazar ertəsi günü isə bu göstərici 12,25 dollar və ya 10,92% dəyər itirərək 99,94 dollar olmuşdu. ABŞ-ın WTI markalı neftində də oxşar vəziyyət müşahidə olunur. Nyu-York Əmtəə Birjasında may fyuçersləri 3,39 dollar (3,85%) bahalaşaraq barelə görə 91,52 dollar təşkil edib. Ötən sessiyada WTI 10,1 dollar və ya 10,28% ucuzlaşaraq 88,13 dollar səviyyəsinə enmişdi. Beləliklə, hər iki əsas neft…

Son məlumatlara əsasən, dünya bazarında müxtəlif aktiv sinifləri üzrə qiymət hərəkətlərində qarışıq mənzərə müşahidə olunur. GDP xəbər verir ki, Bitkoin (BTC/USD) cütlüyü 70.538 dollar səviyyəsində möhkəmlənərək 2.431 dollarlıq əhəmiyyətli artım qeydə alıb. Bu, kriptovalyutalara qoyulan marağın davam etdiyini göstərir. Eyni zamanda, ABŞ dollarının beynəlxalq səviyyədəki göstəricisi olan Dollar İndeksi 99,38 səviyyəsində 0,25% yüksələrək dolların digər əsas valyutalar qarşısında cüzi möhkəmləndiyini ortaya qoyur. Çin kontinental bazarlarında Şanxay Kompozit İndeksi 3849,34 bəndə çataraq 36,06 xal artıb. Bununla yanaşı, Asiya bazarlarında fyuçers kontraktlarında fərqli hərəkətlər diqqət çəkir. Honq Konq Fyuçersləri 24.814,5 səviyyəsində 204,5 xal, Yaponiya Nikkei 225 Fyuçersləri isə 51.657,5 səviyyəsində 1.325 xal…

Goldman Sachs investisiya bankı mövcud neft böhranını “dünya neft bazarlarında tarixin ən böyük təklif şoku” adlandırıb. GDP xəbər verir ki, bankın analitikləri, İranda müharibə sabah bitsə belə, enerji bazarlarının normal vəziyyətə qayıtması üçün ən azı dörd ay vaxt lazım olacağını bildiriblər. Goldman Sachs-ın qiymətləndirməsinə görə, neftin qiyməti 2008-ci ildə qeydə alınmış 147 dollarlıq tarixi rekord həddi üstələyə bilər. Bazar günü bank Brent markalı neft üzrə aprel ayı proqnozunu 85 dollardan 115 dollara yüksəldib. Həmçinin cari il və 2027-ci il üçün proqnozlar da yuxarıya doğru tənzimlənib. Bununla yanaşı, Goldman Sachs ABŞ-da 12 aylıq dövr ərzində resessiya ehtimalını əvvəlki 25 faizdən 30…

Azərbaycan Respublikasının Kənd Təsərrüfatı naziri Məcnun Məmmədov Özbəkistanın paytaxtı Daşkənd şəhərində təşkil olunan “Davamlı Aqro-Ekosistemalar üçün İnnovasiya, Regenerativ kənd təsərrüfatı və Rəqəmsallaşdırma” mövzusunda İtaliya–Orta Asiya (C5)–Azərbaycan Forumunda iştirak edib. GDP xəbər verir ki, nazir forumda çıxışı zamanı tədbirdə iştirakdan məmnunluq duyduğunu bildirib. O, mövcud siyasi əlaqələr və geniş iqtisadi imkanların iştirakçı ölkələr arasında əhəmiyyətli və davamlı nəticələrin əldə olunması üçün möhkəm zəmin yaratdığını vurğulayıb. Məcnun Məmmədov qeyd edib ki, əsas məqsəd qabaqcıl ölkələrin ən yaxşı təcrübələrinin öyrənilməsi, innovativ yanaşmaların tətbiqi və bu sahədə beynəlxalq tərəfdaşlarla səmərəli əməkdaşlığın genişləndirilməsidir. Nazir rəqəmsallaşdırma, iqlimə uyğunlaşma və ağıllı kənd təsərrüfatı kimi mürəkkəb və çoxşaxəli…

Azərbaycan Respublikası ərazisindən tranzit keçməklə Ermənistana gübrə və qarabaşaq göndəriləcək. Azərbaycan ərazisindən tranzit keçməklə Ermənistana 4 vaqon gübrə, 1 vaqon qarabaşaq yola salınacaq Qeyd edək ki, Azərbaycandan tranzit keçməklə Ermənistana mütəmadi olaraq taxıl, gübrə və digər məhsullar göndərilir

ABŞ prezidenti Tramp ABŞ-İran danışıqlarının uğurlu olduğunu və hərbi zərbələri 5 gün təxirə saldığını açıqlayıb. Bu xəbərdən sonra neft 96 dollara düşüb. Lakin İran XİN danışıqların olmadığını bildirərək Trampın açıqlamasını “enerji qiymətlərini aşağı salmaq və vaxt qazanmaq cəhdi” adlandırıb. İranın təkzibindən sonra neft yenidən 101 dollara yüksəlib.

JPMorgan institusional müştərilərinə birbaşa bitcoin və ethereum-u təminat kimi istifadə edərək ABŞ dolları ilə likvidlik əldə etməyə imkan yaradıb. GDP xəbər verir ki, Bank Kinexys platforması vasitəsilə hedj fondlar və korporasiyalara kriptoaktivlərini satmadan, vergi ödəmədən kredit götürmək imkanı təqdim edir. BTC və ETH-yə 30-50% endirim (haircut) tətbiq edilir. Aktivlər Coinbase Custody və Anchorage Digital kimi üçüncü tərəf saxlanc xidmətlərində saxlanılır. Hesablaşma müddəti 120 saniyəyədək azaldılıb. Analitiklər bunun ənənəvi maliyyə ilə kripto bazarları arasında yeni körpü olduğunu qeyd edirlər.