Author: Aynure Gdp

Azərbaycan Nazirlər Kabinetinin təsdiq etdiyi qaydalara əsasən, 2027-ci il və sonrakı üç il üzrə dövlət büdcəsinin gəlirləri proqnozlaşdırılıb. GDP xəbər verir ki, proqnoz makroiqtisadi göstəricilər, neft qiymətləri və qeyri-neft sektorunun inkişaf perspektivləri nəzərə alınmaqla hazırlanıb. Hesablamalara görə, 2027-ci ildə icmal büdcə gəlirlərinin 48 milyard 63,6 milyon manat olacağı gözlənilir. Bu, 2026-cı ilin təsdiq olunmuş göstəricisi ilə müqayisədə 3 milyard 94,2 milyon manat və ya 6,9 faiz çoxdur. Ortamüddətli dövrün sonuna, yəni 2030-cu ilə gəldikdə isə büdcə gəlirlərinin 53 milyard 799,9 milyon manata çatacağı proqnozlaşdırılır. Bu da 2027-ci illə müqayisədə 8 milyard 830,5 milyon manat və ya 19,6 faiz çoxdur. Proqnozda…

Azərbaycan Mərkəzi Bankı (AMB) ilə Çin Sənaye və Ticarət Bankı (ICBC Almaty) arasında biznes layihələrinin maliyyələşdirilməsi müzakirə edilib. GDP barədə AMB-yə istinadən xəbər verir. Məlumatda deyilir ki, qurumun sədri Taleh Kazımov “ICBC Almaty”nın Direktorlar Şurasının üzvü Çingiz Kanapyanovun rəhbərlik etdiyi nümayəndə heyətini qəbul edib. Görüşdə kapital bazarı və ödəniş sistemləri üzrə inkişaf perspektivləri, sahibkarlığın və biznes layihələrinin maliyyələşdirilməsi istiqamətində Azərbaycan bankları ilə əməkdaşlıq məsələləri, o cümlədən bu çərçivədə birgə təşəbbüslərin həyata keçirilməsi barədə fikir mübadiləsi aparılıb.

Dövlət büdcəsi kəsirinin ÜDM-ə nisbətinin 2027-ci ildə 2,2 faiz təşkil edəcəyi, 2030-cu ildə isə 2,0 faizə enəcəyi proqnozlaşdırılır. GDP xəbər verir ki, bu barədə  Maliyyə Nazirliyi məlumat yayımlayıb. Məlumatda bildirlib ki, 2027-ci ildə dövlət büdcəsi kəsirinin yuxarı həddi 3 milyard 64,0 milyon manat, növbəti üç ildə isə müvafiq olaraq 3 milyard 161,0 milyon manat, 3 milyard 210,3 milyon manat və 3 milyard 408,0 milyon manat məbləğində proqnozlaşdırılır. “Dövlət büdcəsi kəsirinin əvvəlki illərdə olduğu kimi, özəlləşmədən daxilolmalar, borclanma hesabına daxilolmalar (xarici və daxili) və vahid xəzinə hesabının qalığı hesabına maliyyələşdirilməsi nəzərdə tutulur. Müəyyən olunmuş bir sıra prioritet sahələr üzrə layihələrin maliyyələşdirilməsi…

Nəticələrə əsasən qeyd edək ki, bank əsas göstəricilər üzrə artım dinamikasını qoruyub saxlayıb. 2026-cı ilin ilk üç ayı ərzində Rabitəbankın faiz gəlirləri ötən ilin analoji dövrü ilə müqayisədə 23 % artaraq 38 milyon 292 min manata, qeyri-faiz gəlirləri isə 16.8% artaraq 11 milyon 101 min manatı ötüb. Rüb ərzində Bank 5,1 milyon manat xalis mənfəət əldə edib. Bu, ötən ilin müvafiq dövrü ilə müqayisədə 9.4% artım deməkdir. Bankın aktivləri isə əvvəlki ilin eyni dövrü ilə müqayisədə 16.4% artaraq 1 milyard 395 milyon 269 min manata çatıb. KREDİT PORTFELİNDƏ ARTIM DİNAMİKASI Hesabat dövründə Bankın strateji hədəflərinə uyğun olaraq biznes kreditlərinin həcmi…

İnformasiya Kommunikasiya Texnologiyaları Agentliyinə (İKTA) 2026-cı ilin yanvar-mart aylarında radio avadanlıqlarının mülki dövriyyəsinə xüsusi icazə alınması məqsədilə hüquqi və fiziki şəxslərdən 226 müraciət daxil olub. Agentlikdən verilən GDP -yə verilən məlumata görə, daxil olmuş müraciətlər üzrə ümumilikdə 7 694 ədəd müxtəlif marka və model avadanlığa dair qanunvericiliyə uyğun tədbirlər görülüb. Baxılmış müraciətlər əsasında 2 522 ədəd radio avadanlığının mülki dövriyyəsinə xüsusi icazə verilib, 83 ədəd avadanlığa isə icazə verilməyib. İmtina edilən hallarda müraciət sahiblərinə çatışmazlıqlar ətraflı izah edilib. Bildirilib ki, 3 müraciət üzrə icazə verilməsi üçün aidiyyəti qurumların rəylərinin təqdim olunması gözlənilir. Araşdırmalar nəticəsində müəyyən edilib ki, 5 091 ədəd…

Azərbaycan Respublikası Dövlət Neft Fondu (ARDNF), Çin İnvestisiya Korporasiyası (ÇİK) və İndoneziya İnvestisiya Qurumu birgə “Galaxy Orientis” Çin–ASEAN İnvestisiya Platformasını (CAIP) təsis edib. Sözügedən platforma üzrə ilkin mərhələdə təxminən 520 milyon ABŞ dolları həcmində vəsait cəlb olunub, ümumi hədəf həcmi isə 1 milyard dollar olaraq müəyyən edilib. GDP xəbər verir ki, 13 aprel tarixində Pekində keçirilən imzalanma mərasimində tərəflər ÇİK-in icraçı vitse-prezidenti Jan Şaoçinq, İndoneziya İnvestisiya Qurumunun baş investisiya direktoru Kristofer Qanis, ARDNF-nin İnvestisiya departamentinin direktoru Fərhad Zeynalov, həmçinin “China Galaxy Securities” şirkətinin nümayəndəsi Vu Penq təmsil edib. Platforma Çin və ASEAN regionu arasında kapital axınlarının təşviqi və sənaye əməkdaşlığının…

Beynəlxalq təcrübədə pul nişanlarının saxtalaşdırılmasına qarşı mübarizənin gücləndirilməsi, ən son texnologiya və innovasiyaların tətbiqi və insanların məmnunluğunun təmin edilməsi məqsədilə mərkəzi banklar tərəfindən dövri olaraq pul nişanlarının dizaynında və mühafizə sistemlərində yenilənmələr aparılır. Azərbaycan Mərkəzi Bankından  GDP-ə bildirilib ki, bank beynəlxalq təcrübəni nəzərə alaraq, pul nişanları sahəsində ən son innovasiyaların, nano və mikro texnologiyaların tətbiqi ilə milli pul nişanlarımızın mövcud konsepsiya çərçivəsində yenilənməsi proseslərinə başlamış və 2021-ci ildən yenilənmiş 1, 5, 10, 20 və 50 manatlıq kağız pul nişanları tədavülə buraxılıb. Proseslərin davamı olaraq, “İqtisadiyyat və inkişaf” mövzusuna həsr olunan 100 manatlıq pul nişanının mühafizə sistemi və dizaynı mövcud konsepsiya…

Turanbank-ın 31 mart 2026-cı il tarixinə təqdim etdiyi maliyyə hesabatları əvvəlki ilin eyni dövrü və ötən ilin sonu ilə müqayisədə əhəmiyyətli dəyişiklikləri ortaya qoyur. TuranBank ASC 2026-cı ilin ilk rübünü (yanvar–mart) 2 milyon 879 min manat xalis mənfəətlə başa vurub. Bank 2025-ci ilin eyni dövründə 1 milyon 216 min manat xalis mənfəət əldə etmişdi. Beləliklə, bankın xalis mənfəəti illik müqayisədə 1 milyon 663 min manat və ya 137% (təxminən 2,4 dəfə) artıb. Turabankın faiz gəlirləri 23,385 min manatdan 28,052 min manata yüksəlmişdir ki, bu da təxminən 19,96% artım deməkdir. Bu artımın əsas səbəbi müştərilərə verilmiş kreditlər üzrə faiz gəlirlərinin 21,393 min…

2026-cı ildə Azərbaycanda inflyasiya 2025-ci ildəki 5,6 faizlə müqayisədə 6 faiz səviyyəsində olacaq. GDP xəbər verir ki, bu barədə Beynəlxalq Valyuta Fondunun (BVF) hesabatında bildirilir. Hesabata əsasən, 2027-ci ildə ölkədə inflyasiya 5,1 faizə qədər azalacaq.

®Bakcell şirkətinin baş icraçı direktoru Klaus Müller 14 aprel 2026-cı il tarixində tutduğu vəzifədən ayrılıb. Telekommunikasiya sahəsində 30 ildən çox beynəlxalq təcrübəyə malik Klaus Müller təqaüdə çıxmaq qərarını elan edib. Klaus Müllerin rəhbərliyi dövründə Bakcell strateji inkişaf mərhələsinə daxil olub, süni intellekt əsaslı həllərin tətbiqi genişlənib, innovativ məhsul və xidmətlər təqdim edilib, şirkətin rebrendinqi həyata keçirilib, xidmət portfeli genişləndirilib və abunəçi təcrübəsinin təkmilləşdirilməsi istiqamətində mühüm addımlar atılıb. “Üç ildən artıq müddət ərzində komanda ilə birlikdə xüsusilə süni intellekt əsaslı xidmətlərin inkişafı istiqamətində önəmli nəticələr əldə etdik. Yerli və beynəlxalq tərəfdaşlıqlar vasitəsilə abunəçilərimizə yeni məhsul və imkanlar təqdim etdik. Bakcell komandasının…