Author: Aynure Gdp

®“Rabitəbank” ASC və Mingəçevir Dövlət Universiteti arasında qarşılıqlı əməkdaşlığa dair memorandum imzalanıb. Memorandum “Rabitəbank” ASC-nin İdarə Heyətinin sədri Aydın Hüseynov və universitetin rektoru Anar Eminov tərəfindən imzalanıb. Sənədin əsas məqsədi təhsil və bank sektoru arasında əlaqələrin gücləndirilməsi, nəzəri biliklərin praktiki təcrübə ilə zənginləşdirilməsi, eləcə də gənclərin müasir əmək bazarının tələblərinə uyğun hazırlanmasına dəstək göstərilməsidir. Bu əməkdaşlıq çərçivəsində tərəflər innovativ yanaşmaların tətbiqinə, rəqəmsal transformasiya proseslərinin təşviqinə və müasir bankçılıq sahəsində bilik mübadiləsinin genişləndirilməsinə xüsusi önəm verəcəklər. Əməkdaşlıq çərçivəsində gənclərin maliyyə savadlılığının artırılmasına yönəlmiş təşəbbüslərin həyata keçirilməsi planlaşdırılır. Bu addımlar universitet məzunlarının əmək bazarına daha hazırlıqlı çıxmasına, praktik bilik və bacarıqlarını artırmasına…

“Son günlərdə ölkədə hüquqi və qanuni əsaslarla fəaliyyət göstərən qiymətləndirmə şirkətlərinin rəhbərləri AQC-yə müraciət edərək Azərbaycan Qiymətləndiricilər Palatası rəhbərliyi tərəfindən təzyiqlərə məruz qaldıqlarını bildirirlər”. Bunu açıqlamasında Azərbaycan Qiymətləndiricilər Cəmiyyətinin (AQC) İdarə Heyətinin sədri Vüqar Oruc deyib. O bildirib ki, Palata AQC üzvü olan şirkətlərə və qiymətləndiricilərə inzibati metodlarla təzyiq edərək AQC-dən çıxmağı tələb edir. Əks təqdirdə, Palata üzvlüyündən xaric ediləcəkləri ilə hədələyir. Bunu isə şirkətlərin işində “qüsur” tapmaqla həyata keçirəcəklərini bildirirlər. “Palata AQC üzvləri tərəfindən formalaşdırılıb. Yəni indiki Palatada təmsil olunanların əksəriyyəti AQC şinelindən çıxıb. Biz sektorun inkişafı üçün çalışırıq və dəfələrlə Palataya əməkdaşlıq barədə müraciət etmişik. Lakin qarşı tərəf…

Ölkə ərazisində son günlər davam edən qeyri-sabit hava şəraiti və güclü yağışlar kənd təsərrüfatına da ciddi təsir göstərməkdədir. Yağış və onun nəticəsində yaranan selsubasma hadisələrindən zərər çəkən əkin sahələri və fermerlərin Aqrar Sığorta Fonduna ünvanladığı zərər müraciətlərinin sayı artmaqdadır. Fondun son məlumatlarına görə, ölkə ərazisində güclü yağışların başladığı 27 mart 2026-cı il tarixindən 9 aprel tarixinədək olan dövrdə Aqrar Sığorta Fonduna müxtəlif hadisələr üzrə ümumilikdə 601 sığorta müqaviləsini əhatə edən 93 müraciət daxil olub. Bu müraciətlər müxtəlif bitkilərin əkildiyi 6541 hektar əkin sahəsini əhatə edib. Ən çox müraciət Quba-Xaçmaz regionu üzrə daxil olub, bu bölgələn 5700 hektarı əhatə edən müraciət…

Azərbaycanda real sektorun inkişafını dəstəkləyən aparıcı maliyyə institutlarından biri olan TuranBank ASC, beynəlxalq maliyyə bazarlarında mövqeyinin möhkəmləndirilməsi və yerli iqtisadiyyatın maliyyələşdirilməsi imkanlarının genişləndirilməsi strategiyası çərçivəsində İsveçrənin nüfuzlu responsAbility Investments AG şirkəti ilə yeni əməkdaşlıq sazişi imzalayıb. Sazişə əsasən, responsAbility Investments AG tərəfindən TuranBank-a 3 il müddətinə yerli valyutada 10 milyon ABŞ dolları ekvivalentində maliyyə vəsaiti təqdim olunub. Ayrılmış vəsaitin Azərbaycanın qeyri-neft sektorunun, xüsusilə kiçik və orta sahibkarlıq subyektlərinin (KOS) maliyyələşdirilməsinə yönəldilməsi nəzərdə tutulur. Maliyyələşmənin yerli valyutada təqdim edilməsi sahibkarların valyuta məzənnəsi risklərindən qorunmasına, eyni zamanda biznes layihələri üçün daha əlverişli və dayanıqlı maliyyələşmə şərtlərinin formalaşmasına şərait yaradacaqdır. Bu təşəbbüs ölkədə…

Yanvar ayında Azərbaycan buğda idxalını əhəmiyyətli dərəcədə artırıb. Ötən ay ölkəyə 129,9 min ton buğda gətirilib ki, bunun dəyəri 28,9 milyon dollar təşkil edib. Bu, keçən ilin eyni dövrü ilə müqayisədə həcmdə 50%, dəyərdə isə nəzərəçarpacaq artım deməkdir. İdxal olunan buğdanın əsas hissəsi Rusiyanın payına düşür. Mütəxəssislər artımı daxili tələbatın yüksəlməsi və regionda ərzaq təhlükəsizliyi amilləri ilə əlaqələndirirlər.

Reuters agentliyinin yaydığı məlumata görə, Rusiyanın neft vergilərindən əldə etdiyi əsas gəlirin aprel ayında iki dəfə artaraq təxminən 9 milyard ABŞ dollarına çatacağı proqnozlaşdırılır. GDP xəbər verir ki,bu kəskin artımın əsas səbəbi İranla müharibə fonunda qlobal neft qiymətlərinin bir barel üçün 100 dollar həddini keçməsidir. Qiymətlərin qalxması Moskvanın büdcə gəlirlərini əhəmiyyətli dərəcədə yüksəldib.

PAŞA Maliyyə Holdinqinin İdarə Heyətinin sədri Fərid Məmmədov bildirib ki, PAŞA Bank ASC-nin səhmlərinin ilkin kütləvi təklifi (İPO) üzrə abunə yazılışı aprelin 13-dən mayın 12-dək davam edəcək. O qeyd edib ki, bankın kapitalının 5%-ni təşkil edən 932 min 926 ədəd adi adlı səhm ilkin yerləşdirmə qiyməti 55 manat olmaqla investorlara təqdim olunur. Minimum səhm sayı 1-dir. “Bu gün PAŞA Maliyyə Holdinqi olaraq hamımız üçün qürurverici bir gündür. Portfelimizin ən güclü aktivlərindən biri olan PAŞA Bank ASC səhmlərinin İPO prosesi rəsmi olaraq başlanır. Bununla da tariximizdə ilk dəfə olaraq ictimaiyyət bizimlə birlikdə investisiya etmək imkanına malik olur”, – deyə Fərid Məmmədov…

Enerji Məsələlərini Tənzimləmə Agentliyi (EMTA) ilə “Rabitəbank” ASC arasında müvəkkil kredit təşkilatı vasitəsilə Enerji Effektivliyi Fondunun vəsaiti hesabına güzəştli kreditlərin verilməsinə dair əməkdaşlıq müqaviləsi imzalanıb. Müqaviləni Enerji Məsələlərini Tənzimləmə Agentliyinin İdarə Heyətinin sədr müavini Rövşən İsmayılov və “Rabitəbank” ASC-nin İdarə Heyətinin sədrinin 1-ci müavini Orhan Gültekin imzalayıblar. İmzalama mərasimi zamanı Rövşən İsmayılov bildirib ki, “Banklarla əməkdaşlıq vasitəsilə Fondun vəsaiti hesabına enerji effektivliyi üzrə tədbirlərin həyata keçirilməsinin təşviqi məqsədilə veriləcək güzəştli kreditlər enerji səmərəliliyi layihələrini həyata keçirənlər üçün olduqca əlverişlidir”. Orhan Gültekin isə qeyd edib ki, “Rabitəbank olaraq dayanıqlı inkişaf və yaşıl iqtisadiyyat prinsiplərini dəstəkləyən təşəbbüslərdə aktiv iştirak etmək bankın strateji…

Azərbaycanın aparıcı sənaye qruplarından olan “Azərsun Holdinq”in idarəetməsində strateji dəyişiklik həyata keçirilib. Şirkətlər Qrupunun Müşahidə Şurasının sədri vəzifəsinə Tahir Gözel təyin edilib. Holdinqdən verilən məlumata görə, bu dəyişiklik ailə biznesinin növbəti nəslə etibarını və holdinqin müasir, innovativ idarəçilik modelinə keçidini simvolizə edir. Tahir Gözel Şeffild Universitetinin Menecment fakültəsinin və Fransa Sup de Co Universitetinin məzunudur. O, “Greentech” və digər qlobal şirkətlərə rəhbərlik etməklə yanaşı, ölkəmizdə süni intellekt və İT sahəsində ən müasir standartlara cavab verən “Proxima” şirkətinin qurucusudur. Yeni sədr “Azərsun Holdinq”in qarşısında aşağıdakı hədəfləri müəyyən edib: · ixrac coğrafiyasını hazırkı 40 ölkədən 60-a çatdırmaq; · istehsalatda süni intellekt əsaslı…

NEQSOL Holdinqin İdarə Heyətinin üzvü Kirill Rubinski ilə “SAMRUK-QAZYNA” Sərvət Fondunun rəhbəri Nurlan Jakupovun görüşündə birgə layihələrin perspektivləri, beynəlxalq telekommunikasiya marşrutlarının genişləndirilməsi və rəqəmsal texnologiyalar sahəsində əməkdaşlığın gücləndirilməsi müzakirə olunub. GDP xəbər verir ki, görüşdə xüsusi diqqət Transxəzər Fiber-Optik Layihəsinə yönəldilib. NEQSOL Holdinqin tərkibindəki AzerTelecom ilə “SAMRUK-QAZYNA” ASC-yə daxil olan Kazakhtelecom ASC arasında tərəfdaşlıqla reallaşdırılan bu strateji layihə Xəzər dənizinin dibi ilə sualtı fiber-optik rabitə xəttinin çəkilişini nəzərdə tutur. Təxminən 380 km uzunluğunda olacaq xətt Qazaxıstanın Aktau şəhərini Azərbaycanın Sumqayıt şəhəri ilə birləşdirəcək və Xəzər regionunda ilk sualtı fiber-optik kabel olacaq. Kirill Rubinskinin sözlərinə görə, beynəlxalq texnoloji şirkətlər yeni və…