Author: Aynure Gdp

Bu gün ticarət zamanı ABŞ fond indeksləri yüksəlir. Treyderlər korporativ xəbərləri dəyərləndirir və İslamabadda ABŞ ilə İran arasında növbəti sülh danışıqları raundunu gözləyirlər. KİV-in məlumatına görə, əvvəlki əks siqnallara baxmayaraq, Tehran öz nümayəndələrini oraya göndərməyə hazırlaşır. ABŞ nümayəndə heyətinə yenidən ABŞ vitse-prezidenti Cey Di Vens rəhbərlik edəcək. Ekspertlər tərəflərin çərşənbə günü başa çatan atəşkəsin ən azından uzadılması barədə razılığa gələ biləcəyinə ümid edirlər. Çərşənbə axşamı investorlar Kevin Uorşun Federal Ehtiyat Sisteminin sədri vəzifəsinə təsdiqlənməsi üzrə Senatın Bank Komitəsindəki dinləmələri izləyəcəklər. Dinləmələr üçün hazırlanmış Uorşun bəyanatında o, “Federal Ehtiyatın siyasətinin müstəqilliyinin qorunmasını” təmin etmək niyyətində olduğunu bildirib. Çərşənbə axşamı Moskva vaxtı…

Dövlət Statistika Komitəsi 2026-cı ilin yanvar-mart aylarında Azərbaycan Respublikasına gəlmiş əcnəbilərin və vətəndaşlığı olmayan şəxslərin, habelə Azərbaycan Respublikasından xarici ölkələrə getmiş Azərbaycan Respublikası vətəndaşlarının sayı barədə məlumat yayıb. GDP xəbər verir ki, Dövlət Sərhəd Xidmətinin məlumatına əsasən 2026-cı ilin yanvar-mart aylarında Azərbaycan Respublikasına dünyanın 172 ölkəsindən 484,4 min və ya əvvəlki ilin müvafiq dövrü ilə müqayisədə 4,7 faiz az əcnəbi və vətəndaşlığı olmayan şəxs gəlmişdir. Gələnlərin 25,9 faizi Rusiya Federasiyası, 21,7 faizi Türkiyə, 8,9 faizi İran, 5,3 faizi Gürcüstan, 4,1 faizi Qazaxıstan, 3,6 faizi Hindistan, hər birindən 3 faiz olmaqla Pakistan və Özbəkistan, 2,5 faizi Səudiyyə Ərəbistanı, 2,1 faizi Çin,…

“Azərbaycan Respublikası İpoteka və Kredit Zəmanət Fondunun vəsaiti hesabına ipoteka kreditinin, o cümlədən güzəştli ipoteka kreditinin verilməsi Qaydası”nda dəyişiklik edilib. GDP xəbər verir ki, Prezident İlham Əliyev bununla bağlı Fərman imzalayıb. Dövlət başçısının qərarı ilə güzəştli ipoteka krediti almaq hüququ olan şəxslərin siyahısına yeni kateqoriya əlavə edilib. Dəyişikliyə əsasən, ən azı 3 il hakimlik stajı olan Azərbaycan Respublikası məhkəmələrinin hakimləri artıq Fondun vəsaiti hesabına verilən güzəştli ipoteka kreditindən yararlana biləcəklər. Fərman imzalandığı gündən qüvvəyə minir.

İpoteka və Kredit Zəmanət Fondu (İKZF) tərəfindən Bakı şəhəri, Binəqədi rayonu, Cəfər Xəndan küçəsində yerləşən yaşayış kompleksində ümumilikdə 237 yeni, tam təmirli mənzil vətəndaşlara satmaq öhdəliyi ilə kirayə mexanizmi çərçivəsində təqdim edilir. Fonddan GDP-yə verilən məlumata görə, 1, 2 və 3 otaqlı mənzillərin aylıq ödənişləri 925 manatdan başlayır. Yaşayış sahələri ilə tanışlıq və seçim aprelin 28-də saat 15:00-dan etibarən açıq olacaq. Müraciətlərin qəbulu və mənzil seçimi Elektron Hökumət İnformasiya Sisteminə (e-gov.az) inteqrasiya edilmiş Elektron İpoteka və Kredit Zəmanət sistemi üzərindən həyata keçirilir. Vətəndaşlar təqdim olunan yaşayış sahələrinin tam siyahısı ilə Fondun təqdim etdiyi keçid vasitəsilə tanış ola bilərlər. Prosesin qaydaları,…

Azərbaycan Mərkəzi Bankı (AMB) avtonəqliyyat vasitəsi sahiblərinin mülki məsuliyyətinin icbari sığortası üzrə sığorta haqqının hesablanması qaydalarında dəyişikliklər edib. GDP  xəbər verir ki, müvafiq qərar AMB İdarə Heyəti tərəfindən 1 aprel 2026-cı il tarixində qəbul olunub. Qərara əsasən, əvvəl tətbiq olunan Bonus-Malus (BM) sistemi əvəzlənərək “sığorta tarixçəsi əmsalı” mexanizmi tətbiq edilir. Yeni yanaşmaya görə, sığorta haqqının hesablanması artıq sığortalının əvvəlki sığorta tarixçəsi və təqsirli hadisələri əsasında müəyyən olunacaq. Dəyişikliklərə əsasən, sığorta tarixçəsi əmsalı minimum 0.60, maksimum isə 3 səviyyəsində müəyyən edilib. Əmsal hər bir şəxs üzrə ayrıca formalaşacaq və müxtəlif nəqliyyat vasitələri üzrə fərqli tətbiq oluna biləcək. Yeni qaydalara görə, fiziki…

Apple uzunmüddətli baş direktor Tim Kukun sentyabr ayında vəzifəsini tərk edəcəyini və İdarə heyətinin sədri postuna keçəcəyini bildirib. GDP xəbər verir ki, gözlənildiyi kimi, Tim Kuku Apple-ın aparat mühəndisliyi üzrə baş vitse-prezidenti Con Ternus əvəz edəcək. Ternus sentyabrın 1-dən etibarən şirkətin yeni baş direktoru kimi fəaliyyətə başlayacaq. Tim Kuk 2011-ci ildə Stiv Cobsdan təhvil aldığı Apple-ı dünyanın ən dəyərli şirkətlərindən birinə çevirib. Onun rəhbərlik dövründə Apple bir neçə dəfə trilyon dollarlıq bazar dəyərini keçib, yeni məhsul kateqoriyaları — Apple Watch və AirPods kimi qurğular — təqdim edilib. Con Ternus isə Apple-da uzun illərdir çalışan təcrübəli mühəndis və rəhbər şəxslərdən biridir.…

Tim Kuk sentyabrda Apple şirkətinin baş direktoru vəzifəsini tərk edəcək, onu Con Ternus əvəz edəcək, şirkətdə bildirilib.

Volkswagen-ın direktorlar şurasının üzvü almanlardan Çin zavodlarında avtomobil istehsalını öyrənmək üçün ora getməyi tələb edir.

Azərbaycan Mərkəzi Bankı (AMB) investisiya şirkətləri üçün yeni kapital tələblərinin tətbiqini nəzərdə tutur. GDP xəbər verir ki, bu sahədə qayda artıq təsdiqlənib. Bununla bağlı Mərkəzi Bankın sədri Taleh Kazımov təsdiqləyib. Qərara uyğun olaraq, “İnvestisiya şirkətinin davamlı kapital tələbləri haqqında Qayda” qəbul edilib və sənəd rəsmi dərc olunduğu tarixdən etibarən 6 ay sonra qüvvəyə minəcək. Yeni qayda investisiya şirkətlərinin məcmu kapitalının strukturu, onun tərkib hissələri, leverec əmsalı, likvidlik normaları, eləcə də kapitalın hesablanma prinsiplərini müəyyən edir. Tələblərə əsasən, şirkətlər üzləşdikləri risklərə adekvat səviyyədə kapital saxlamalıdırlar. Sənədə görə, məcmu kapital I dərəcəli (əsas) və II dərəcəli (əlavə) kapitaldan ibarət olacaq və əsas…

Teymur Mustafayev Azərbaycan Respublikasının Mərkəzi Bankında yeni vəzifəyə təyin olunub. GDP xəbər verir ki,o, qurumda İnformasiya Texnologiyaları və Kiber Risklərin İdarəedilməsi şöbəsinin rəhbəri vəzifəsinə başlayıb. Məlumata görə, T.Mustafayev 2025-ci ilin sentyabr ayından 2026-cı ilin aprel ayınadək Mərkəzi Bankda İcraçı direktorun müşaviri kimi fəaliyyət göstərib. 2026-cı ilin aprel ayından etibarən isə yeni vəzifədə işini davam etdirir. T.Mustafayev informasiya texnologiyaları, risklərin idarə olunması, audit və kibertəhlükəsizlik sahələrində uzunmüddətli peşəkar təcrübəyə malikdir. O, 2024-cü ilin fevral ayından 2025-ci ilin avqust ayınadək Kapital Bank-da İT idarəetməsi üzrə ekspert kimi çalışıb. Bundan əvvəl, 2022-ci ilin avqustundan 2024-cü ilin fevralınadək Azericard şirkətində Risklərin İdarəedilməsi və Keyfiyyətə…